VIDEO: Tey ungu hava mist tolið við landsstýrinum

VIDEO: Tey ungu hava mist tolið við landsstýrinum
Í dag skulkaðu og koyrdu miðnámsskúlanæmingar á Kambsdali og á Glasi rekkjukoyring uttan fyri løgtingið, fyri at mótmæla koronuhandfaringina hjá landsstýrinum
08.11.2021 - 13:55

Ung, sum ganga í miðnámsskúla á Kambsdali og á Glasi, mótmæltu í dag koronuhandfaringina hjá landsstýrinum. 

Myndugleikarnir eru dupultmoralskir, halda tey ungu, tí samstundis sum tey ungu verða biðin um ikki at savnast uttan fyri skúlan, verða tey tvingað saman í skúlanum. 

Rakul Ró Steintórsdóttir, sum gongur í 3g á Kambsdali, er ein av stigtakarunum. 

"Vit ynskja og vóna, at vit sleppa at vera heima nú, meðan smittan breiðir seg á skúlanum, og síðani sleppa aftur í skúla sum skjótast, har vit eisini veruliga sleppa at vera saman, brúka fríkorterini saman, halda okkara veitslur og tiltøk, og ikki vera bangin fyri at møta upp. Eisini um hetta krevur koronupass ella negativar koronukanningar," sigur hon. 

Rakul Ró Steintórsdóttir og hini ungu vóna, at rekkjukoyringin í dag kann skapa eitt sindur av uppmerksemi um støðuna hjá teimum ungu undir koronu.

"Vit vóna, at kjakið kann fara í gongd aftur, og at landið eisini velur at lurta eftir okkum ungu."

Vit ungu hava gjøgnum alla koronutíðina fingið skyldina kastaða á okkum. At tað eru vit, sum møtast og bera smittuna runt. 

Tey ungu hava í einum skrivi roynt at grundgivið fyri, hví tey eru ónøgd. 

 

SÍ MYNDIRNAR, IÐ BJARNI ÁRTING RUBEKSEN TÓK AV MÓTMÆLINUM Í DAG.

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584