Ukraina sum lús millum tvær negl

Útlitini eru serstakliga vánalig fyri eini semju, sum skal linka spenningin á markinum millum Ukraina og Russland. Hvørki amerikanski uttanríkisráðhaðharrin, Anthony Blinken, ella tann russiski, Sergey Lavrov, vóru serliga bjrtskygdir, tá teir hittust til ein tveir tímar langan fund í Geneve í morgun. Russar hava flutt eina stóra hermegi á einar 100.000 hemenn og nógvar hernaðarútgerð til markið við Ukraina. Samstundis hevur Russland millum annað kravt, at NATO viðurkennir, at Ukraina ongantíð gerst partur av NATO. Russland sær tað eisini sum eina avbjóðing, at vesturheimurin er við til at dubba ukrainska herin við at senda landinum meira vápn og stuðul annnars. Millum annað hava bretsk hernaðarflogfør flutt stóra mongdir at hernaðarútgerð til Ukraina. USA og teirra sameindu hava eisini hótt við fleiri tiltøkum móti Russlandi, um landið ger av at gera innrás í Ukraina. Men tað kann eisini enda við, at teir sameindu vestanfyri kunnu fara inn við hermegi, um innrásin gerst veruleiki.