- Tíðindi, mentan og ítróttur
Ferð á Bústaðir
Bústaðir hava eina heimild at læna 450 mió krónur. 200 mió eru settar av til almannagagnligt virksemi, so sum búfelagsskapir, lestraríbúðir og so framvegis. Hinar 250 mió eru til verkætlanir, har Bústaðir saman við privatum íleggjarum fer undir bústaðarbygging. Og sambært Andrasi Róin, er áhugin frá eitt nú peningastovnum, pensjónsfeløgum og privatum fyritøkum stórur.
Eftir nógva rokið millum undanfarna stýrisformannin og stjóran í Bústøðum, sum fylti nógv í miðlunum, valdar nú aftur friður í almenna bústaðarfelagnum.
-Nú kemur endiliga ferð á bústaðarbyggingina hjá Bústøðum, sigur Andras Róin.
Sambært stjóranum í Bústøðum verða 40 íbúðir lidnar í ár, og 100 íbúðir í næsta ár.
Jan Jakobsen, stjóri í LÍV, var gestur í sjónvarpsstovuni.