Føroyar svartar í mars

Sjálvt um nógv vatn er í Eiðisvatni, kemur næstan einki vatn í byrgingina, nú tá ið frost er, og tí ber ikki til at framleiða streym har í løtuni.

Sama støða er á hinum vatnorkuverkunum kring landið.

Neyðugt er eisini allatíðina at hava vatn í byrgingini sum eyka trygd, um okkurt skuldi gingið galið til dømis á Sundsverkinum.

Tøl hjá SEV vísa, at orkuframleiðslan higartil í mars hevur verið mest olja.

Orkuframleiðsla higartil í mars 2023:

Alt landið
Olja 69%
Vindur 18%
Vatn 10%
Biogass: 1%
Sól: 0%

Eitt undantak hevur tó verið, tá ið talan er um svarta orku. Suðuroyggin hevur verið munandi meira grøn enn restin av landinum.

Suðuroy:
Olja 56%
Vindur 42%
Vatn 2%
Sól: 0%

Orsøkin til, at Suðuroyggin er grønari enn restin av landinum, er battarískipanin.