KT-trygdin lyftast upp á hægri stig

KT-trygdin hjá tí almenna skal lyftast upp á hægri stig, um Føroyar skulu vera mótstøðuførar, tá ið álvarslig álop koma uttaneftir. Álop, sum kunnu leggja undirstøðukervið lamið.

Talgildar skipanir eru avgerandi partar í undirstøðukervinum, tí skulu Føroyar megna at standa ímóti netálopum.

Ein nettrygdarætlan er gjørd við 8 strategiskum málum og 20 ítøkiligum átøkum. Nettrygdarætlanin var almannakunngjørd í fjør, og verður neyvt fylgd, sigur landsstýrismaðurin á økinum, Høgni Hoydal.

KT-fyritøkan, Elektron, á Staravegi í Havn, er sloppin upp í part, at lyfta KT-trygdina hjá tí almenna.

Tað ger fyritøkan saman við KT-landsins og amerikonsku fyritøkuni Fortinet.