Fiskalýsi forðaði ferðslu

Tað kom óvart á nógvar bilførarar í dag, tá bilar hjá Landsverki, sløkkiliðnum og løgregluni sperraðu vegin við Gøtueiði. Landsverk og sløkkiliðsbilarnir høvdu úr at gera at vaska fiskalýsi av vegnum

Fiskalýsi var nevniliga runnið úr einum lastbili, sum koyrdi við slógvi, ið skuldi beinast burtur. Sambært løgregluni var yvirtrykk komið í tangan, og tí rann lýsi niður á vegin.

- Hetta er óvanligt og eigur ikki at henda, sigur løgreglan, sum leggur afturat, at tað er fyritøkan, sum eigur ábyrgdina av, at vegurin verður reinsaður.