Nótaskip missa 50 mió. kr. um eingin lodna fæst

Føroysku nótaskipini kunnu missa hálvthundrað milliónir krónur, tí tey sleppa ikki eftir lodnuni í íslendskum sjógvi.

Lodnutíðin er stutt, og skipini eru klár at fara.

Lodnutíðin endar síðst í februar.

Sáttmálin millum Ísland og Føroyar, sum varð gjørdur í januar í fjør, loyvdi annars føroyskum skipum at fiska lodnu til 30.apríl í ár. Men altingið setti sáttmálan úr gildi millum jól og nýggjár. 

Eingin sáttmáli er gjørdur millum Føroyar og Ísland um fiskirættindi í 2018.