Ungdómshús letur upp í Sørvági

Aimé Jacobsen, borgarstjóri í Sørvágs kommunu, er sera glað fyri, at ungdómshúsið letur upp, tí ungdómurin hevur ikki nakað annað enn ítrott at fara til í frítíðini.

Hon væntar, at eini 100 børn fara at nýta ungdómshúsið, sum letur upp trý kvøld um vikuna í fyrstu atløgu.

Í sambandi við, at ungdómshúsið í morgin letur upp í Sýsluni í Sørvági verður móttøka millum kl.17.30 og 20.00 í annaðkvøld.