- Tíðindi, mentan og ítróttur
Dreingir eiga eisini at fáa ókeypis koppseting
Nú danska stjórnin ætlar at bjóða dreingum ókeypis koppseting ímóti HPV-vaksinu, eiga føroysku heilsumyndugleikarnir at gera tað sama.
Tað heldur Katrin Kallsberg, serlækni í kvinnusjúkum og tingkvinna fyri Tjóðveldi. Í Føroyum fáa gentur yvir 12 ár í boði ókeypis koppseting, men onki tilboð er til dreingir og menn.
Í Danmark fáa allar gentur millum 12 og 18 ár ókeypis koppseting ímóti HPV-virus, tí vaksinan er partur av barnakoppsetingini.
Og 1. februar var royndarverkætlan sett í verk, har ungir samkyndir og tvíkyndir menn millum 15 og 19 ár kunnu fáa ókeypis hpv-vaksinu.
Men nú hevur danska stjórnin lagt uppskot fram um, at allir dreingir, ið eru fyltir 12 ár, eisini skulu fáa boðið ókeypis HPV-vaksinu.
Mett verður, at koppsetingin kann verja ímóti krabbameini í endatarminum og væntandi eisini í munninum og hálsinum. Og ein orsøk til at stjórnin vil bjóða dreingjum koppsetingina er eisini, at talið av gentum, ið hava latið seg koppseta, er minni enn væntað. Tó hækkar talið aftur, sigur Katrin Kallsberg, serlækni í kvinnusjúkum.
Tak niður
Sí eisini