- Tíðindi, mentan og ítróttur
Nón
Íverksetan og nýmenning eru orð, sum javnan eru á lofti í hesum døgum, og tað setur eisini dám á dagsins Nón.
Innovatión er ikki lærugrein í fólkaskúlanum, men millum annað Eysturskúlin hevur lagt seg eftir at undirvísa í nýmenning og íverksetan. Skúlin skipar fyri skeiðum í innovatión fyri 5.-9. flokkarnar, og eisini ber til at taka breyt á Nám X í íverksetan. Vit vóru ein túr á Eysturskúlanum og tosaðu við Inga á Smið og Petur Hentze Niclasen, sum samskipa og undirvísa í innovatión og íverksetan á Eysturskúlanum.
Fyritøkan Look North hevur sett sær sum mál at menna fýra nýggjar vørur um árið. Vit hava verið í Klaksvík og tosað við ársins íverkseta 2017, Árna Skaale, stjóra í Look North.
Hósdagsgesturin í Nón hevur sett sær fyri at rógva einsamallur um Atlantshavið. Livar Nysted var á gátt fyrst í seinna tímanum.
Føroyingurin Bogi Eliasen hevur júst fingið altjóða virðisløn fyri sítt arbeiði til frama fyri heilsutøkni á instituttinum fyri framtíðargransking. Vit tosaðu við hann millum annað um, hví hann hevur finguið hesa viðurslønina.