Seinastu vikurnar hava nógv havt krím og beinkrím, og bæði arbeiðspláss, barnagarðar og skúlar eru merkt av sjúkradøgum seinastu tíðina.

Men hví eru so nógv fólk sjúk samstundis? Og hvat kunnu vit gera fyri at fyribyrgja, at vit smitta og sjálvi verða smittað?

Djóni Joensen, lækni í Kollafirði, sigur, at hondreinføri er avgerandi. Hann vísir eisini á, at tað at sjúk fólk fara til arbeiðis, ístaðin fyri at vera heima, kann viðføra, at fleiri á arbeiðsplássinum verða smittað.