- Tíðindi, mentan og ítróttur
Sirið Stenberg tekur ikki undir við atfinningunum
Sjúkrarøktarfrøðingar finnast hvassliga at politisku myndugleikunum og fyrisitingini.
Tað kom fram á aðalfundi í gjár, tá 300 sjúkrarøktarfrøðingar vóru komnir saman.
Í skrivi frá Felagnum Føroyskir Sjúkrarøktarfrøðingar verður millum annað víst á, at politisku myndugleikarnir og fyrisitingin heldur raðfesta ein stjóra, sum heldur játtanina, enn eina fakliga leiðslu.
Men hesum tekur Sirið Stenberg ikki undir við.
Sambært landsstýriskvinnuni í heilsumálum eru fakliga kompetentar leiðslur í øllum liðum.
Bæði í ovastu leiðslu og í øllum deildum.
Hon leggur aftrat, at stjórin sjálvandi skal halda sína játtan, men tað merkir ikki, at tað fakliga ikki skal vera í lagi.
- Vit hava fakligar leiðslur á øllum sjúkrahúsum og øllum teimum stovnum, sum Heilsumálaráðið varar av.
Hvussu tey skipa seg í Almannaverkinum, mugu tey svara fyri, sigur Sirið Stenberg.
Tak niður