Vestmenn beinleiðis í morgunsendingini

21-03-2019

Bólkurin spælir útselda konsert í Norðurlandahúsinum um vikuskiftið. Í morgunsendingini góvu teir ein lítlan brellbita við tveimum sangum

Fáir føroyskir bólkar hava lagt so nógvar sangperlur eftir seg sum Vestmenn.

Nú ber til at uppliva bólkin, sum var stovnaður fyri meiri enn 35 árum síðani, á palli.

Konsertin verður í Norðurlandahúsinum leygarkvøldið.

Martin Joensen, gittar og sang, Ólavur Højgaard, sang,og Niels Olsen, harmonika, vitja morgunsendingina.

Teir eru allir upprunalimir og vóru partur av fyrstu útgávuni, Brot, sum kom á marknaðin í 1983.

Henda útgávan telist millum best seldu í Føroyum nakrantíð, og limirnir í bólkinum blivu heimskendir í Føroyum eftir ongari tíð.

- Vit dugdu væl at taka tað, sigur Martin Joensen brosandi.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)