Heðin Egholm Skov er íðin GoT fjeppari

12-04-2019

Heðin Egholm Skov vann kappingina, sum vit høvdu um Game of Thrones í morgun, nú síðsta sesongin í røðini byrjar um vikuskiftið

Lurtarar høvdu í morgun møguleikan at gita fimm røddir úr kendu sjónvarpsrøðini Game of Thrones. Heðin Egholm Skov ringdi inn og gitti alt rætt beinanvegin. Heðin er sjálvur ein íðin Game of Thrones fjeppari, og hann hevur sæð alt fýra ferðir. Hann er sera spentur at síggja seinastu partarnar, og hann væntar, at onkur av høvuðspersónunum fer at doyggja tíðliga í nýggju sesongini.

Fyrsti partur í áttandu sesong kemur út kl. 02.00 mánanáttina føroyska tíð.

Game of Thrones er ein amerikonsk sjónvarpsrøð, sum er gjørd burtur úr bókarøðini "a Song of Ice and Fire", sum George R. R. Martin hevur skrivað.

Røðin er tikin upp í Norðurírlandi, Kanada, Kroatia, Íslandi, Malta, Marokko, Skotlandi, Spania og USA.

Game of Thrones er heimsins dýrasta sjónvarpsrøð, partarnir í sesong átta kostaðu 15 mió. dollarar hvør. Tað koma seks partar, og teir eru millum 54 min og 1 tíma og 22 min til longdar.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)