- Vænti ein tættan dyst og eina fimtu finalu

Í kvøld er fjórða finalan millum Neistan og H71 í høllini á Hálsi í Havn. Undan fjórða dystinum hevur Neistin vunnið tvær finalur, og H71 hevur vunnið eina.

Tí er greitt, at um Neistin vinnur í kvøld, so eru teir bláu føroyameistarar fyri fyrstu ferð síðan 2011. Hetta væntar Birgir Hansen tó ikki, tí hoyvíkingar eru undir trýsti og fara allarhelst at leggja hart út. Hann væntar tí fimm finalur um føroyameistaraheitið. 

Kringvarpið stroymir dystin í kvøld beinleiðis á KVF.fo.