- Tíðindi, mentan og ítróttur
Bussleiðin í Kalsoy ikki nøktandi
Ferðafólkatalið í Kalsoynni veksur, og tað veksur skjótt. Í 2014 vóru 38.335 ferðafólk í oynni. Og fýra ár seinni - í fjør - vitjaðu 57.594 fólk oynna. Hetta er ein vøkstur á 19.259 ferðandi.
Sjálvt um talan er um nógv ferðafólk, so er so at siga eingin trupulleiki at koma út í Kalsoy. Trupulleikin er bussleiðin í oynni.
Frá 1. mei í ár fer bussurin í Kalsoynni at koyra til og frá øllum vanligum rutum hjá Sam. Men meira skal til, sigur Olivur Thomsen, stjóri í Visit Kalsoy.
Sum nú er, eru alt ov nógv ferðafólk, sum vilja hava bil við út í oynna, sum ikki klárar at taka móti so mongum bilum. Tí eigur oyggin at fáa eina hóskandi bussleið, sum koyrir ofta, og sum kann nøkta tørvin hjá teimum ferðandi. Til dømis er ikki møguligt at ferðast við viðføri og barnavogni í bussinum, sum rekur leiðina, og hetta má broytast, sigur stjórin í Visit Kalsoy, og vísir á, at Standferðslan eigur at loysa trupulleikan.
Tak niður