- Tíðindi, mentan og ítróttur
– Øll skulu hava rætt at ganga ókeypis í haganum
Tummas Rubeksen, festari á Húsagarði í Havn, heldur lítið um avgerðina hjá André Kruse, festara í Saksun, ið hevur gjørt av at taka gjald frá fólki, ið ætla at ganga út á Lógv.
Orsøkin er, at fyri at sleppa út á Lógv í Saksun, er neyðugt at ganga ígjøgnum festið hjá honum, og hann vil hava nakað burturúr teimum ferðandi.
Men hetta fellur ikki í góða jørð hjá øllum. Tummas Rubeksen, festari, heldur lítið um, at aðrir festarar taka gjald frá fólki fyri at ganga í haganum.
– Tað eigur at vera grundleggjandi rættur hjá øllum, at ganga frítt í føroysku náttúruni uttan at gjalda fyri tað.
Ískoyti: Í innslagnum kom ikki fram, at Tummas Rubeksen sjálvur fæst við ferðavinnu. Tað var eitt mistak frá Kringvarpsins síðu, at tað ikki kom fram í innslagnum.
Tak niður