- Tíðindi, mentan og ítróttur
– Alt gekk soleiðis, sum vit høvdu avtalað
Føroyski rógvarin, Sverri Sandberg Nielsen, vann í dag World Cup kappingina í Poznan í Póllandi.
Hetta er fyrstu ferð nakrantíð, at rógvari á danska landsliðnum hevur fingið World Cup-heiðursmerki í opnum flokki í singul scullara.
Sverri Sandberg Nilesen fekk ein góðan start, legði seg skjótt á odda, dró frá hinum og helt støðuna allan teinin.
Tá avtornaði var føroyingurin meira enn eina bátslongd frammanfyri nummar tvey.
Hetta kendist ómetaliga væl og eisini eitt sindur undarligt, staðfestir føroyingurin.
Umstøðurnar at rógva vóru ikki tær bestu í Póllandi í dag.
Tað tóktiskt tó sum, at eg dugdi betur at rógva í hesum umstøðunum enn hinir. Tað gav mær nógv sjálvsálit, sigur Sverri Sandberg Nielsen.
Um tríggjar vikur er hann aftur við í World Cup-kapping, og tá verður róð í Hollandi.
Tak niður