- Tíðindi, mentan og ítróttur
Í dag endar flaggsiglingin
Í gjár silgdi flotin av Toftum á Tvøroyri har Jóansøka er.
Fyrrapartin fóru allar skipsmanningarnar við bussi til Fámjin, har merkjagudstænasta byrjaði í Fámjins kirkju klokkan 14.
Byrjað var við skrúðgongu á vegnum niðan fyri barnaheimið hjá Jens Olivuri Lisberg og heim í kirkjuna, har Jógvan Fríðriksson, bispur, og Jónsvein Bech, sóknarprestur, hava gudstænastu.
Vit, sum hava verið við, kunnu ikki annað enn vera stak væl nøgd við hetta tiltakið, sum hevur verið fyrireikað í eini tvey ár, sigur Jens Marius Poulsen.
Veðrið hevur sum heild verið avbera gott, og alt hevur gingið upp á stás.
Endmálið við flaggsiglingini hevur verið at heiðra Merkið og at kunna um Føroyar í dag.
Merkjagudstænastan í Fámjns kirkju verður send í sjónvarpinum í dag, sunnudagin, klokkan 16.
Tak niður