– Børnini hjá tilflytarum verða ikki loftað

Lena Jacobsen, lærari, hevur kannað, hvussu føroyski fólkaskúlin megnar at taka ímóti børnum hjá tilflytarum.Hetta hevur hon gjørt í eini uppgávu á læraraskúlanum. Uppgávan ber heitið "Avbjóðingar hjá tilflytarabørnum í føroysku fólkaskúlunum".

Niðurstøðan er, at fólkaskúlin ikki í nóg stóran mun loftar børnum hjá tilflytarum, ið hava avbjóðingar.

Umframt, at evnið er aktuelt, hevur hetta eisini persónligan áhuga hjá Lenu, tí hon hevur sjálv upplivað, hvussu tað er at vera barn hjá tilflytara. Mamma Lenu er úr Tailandi, og pápin er úr Føroyum.