Einki bendir á skeivar dátur frá telefyritøkum her

Higartil er einki, sum bendir á, at teledátur, sum politiið fær frá føroyskum telefyritøkum, eru misvísandi eins og tær, politiið hevur fingið frá telefyritøkum í Danmark.

Tá ákærur eru skrivaðar í Føroyum, eru dátur um fartelefonir og telemastrar viðhvørt brúktar til at prógva, at fartelefonin hjá tí ákærda hevur verið á ávísum staði  ávísa tíð.

Í Danmark er stórt mál um júst hetta, tí teledáturnar eru vorðnar misvísandi í ymisku teldukervunum, sum tær eru farnar gjøgnum.

Men einki er funnið higartil, sum bendir á, at hesin trupulleikin eisini er galdandi fyri dátur frá telefyritøkum í Føroyum.