Nýggja flogfarið hjá Atlantic Airways húsvilt

Tað dregur út at fáa bygt nýggjan hangar, hóast tað er hálvtannað ár síðani, at Atlantic Airways boðaði frá, at eitt nýtt Airbus 320 neo flogfar var á veg í flotan.

Stjórin í Atlantic Airways, Jóhanna á Bergi, er farin at ótolnast. Hon ótolnast eftir einum nýggjum hangari, sum kann rúma nýggja flogfarinum hjá føroyska flogfelagnum.

Veingjabreiði á nýggja flogfarinum er longri enn á teimum gomlu, og tað ger, at gamli hangarurin er hálvanannan metur ov lítil.

Tað er til stóran ampa fyri arbeiðsgongdirnar hjá Atlantic Airways, at tey ikki fáa nýggja flogfarið undir tak á flogvøllinum.

Men stjórin í Atlantic Airways má brynja seg við toli.

Nýggi hangarurin er ein partur av einari heildarætlan, sum verður gjørd fyri flogvøllin, sigur Regin Hammer, nevndarformaður í Vága floghavn.