Nógvar fráboðanir um skaðar í illveðrinum

Løgreglan hevði út við 50 fráboðanir um skaðar, men løgreglan veit um fleiri skaðar enn teir, tey hava fingið boð um.

Nógvir smáskaðar vóru, millum annað lutir, sum fuku í vindinum, húsatekjur, húsaklædningur og annað, sum loysnaði.

Serliga ringt í Eysturoy

– Tíbetur vóru ikki nakrir ógvusligur skaðar, sum vit fyrr hava upplivað í illveðri, sigur vakthavandi á løgreglustøðini, Hallgrím Hansen.

Millum hendingarnar kunnu nevnast, at tveir lyktapelar fóru í vindinum, onkrir bilrútar brotnaðu, og ein bingja feyk á havnalagnum í Leirvík, men bingjan bleiv tryggjað, áðrenn hon gjørdi nakran skaða.

Serliga í norðara parti av Eysturoynni vóru nógvir skaðar, men annars vóru fráboðanir kring alt landið.