- Tíðindi, mentan og ítróttur
Góðan morgun Føroyar
Nýggjasta staklagið hjá Marius DC er eitt samstarv við Jasmin, ið syngur við á lagnum, og hevur verið við til at skriva tað.
Tey bæði hittust fyrstu ferð á FMA fyrr í ár, har Jasmin hevði eina framúr góða framførslu, og vann heiðurin sum besta songkvinna. Eftir at tey aftur hittust í sambandi við Sement finaluna, har Marius luttók og Jasmin var serligur gestur, kom hugskotið um eitt samstarv.
Hetta gjørdist til veruleika, tá Marius føldi, at lagið 10 AM Freestyle tørvaði eitt niðurlag, ið breyt frá versunum. Jasmin skrivaði orð og melodi til niðurlagið, og nú er úrslitið av samstarvinum her.
Lagið 10 AM Freestyle er væl friðarligari enn fyrru stakløgini, og teksturin er sera persónligur.
Lagið er tøkt á eitt nú Spotify, iTunes, Youtube og Soundcloud.
Eins og fyrru løgini er tað Per Ingvaldur Højgaard Petersen sum hevur framleitt, Theodor Kapnas hevur ljóðblandað og George Nerantzis hevur tikið sær av mastering.
Sangurin kann hoyrast her Marius DC - 10 AM Freestyle ft. Jasmin (Official Audio)