- Tíðindi, mentan og ítróttur
ES-handilssáttmáli máar støðið undan landbúnaðinum
Bóndafelagið mótmælir, at ES nú sleppur at innflyta 80 tons av seyðakjøti tollfrítt til Føroya, afturfyri at føroyskur brislingur sleppur á listan yvir vørur, Føroyar kunnu útflyta tollfrýtt til ES.
Harumframt kunnu Føroyar eisini selja 20.000 tons av alifóðri tollfrítt til ES-marknaðin. Hetta fer at máa støðið undan føroyska landbúnaðinum, heldur Bóndafelagið.
Sigert Patursson, formaður í Bóndafelagnum, heldur, at føroyski landbúnaðurin verður offraður fyri lættari atgongd hjá fiski- og alivinnuni inn á ES marknaðin.
Sigert Patursson skrivar millum annað í mótmælinum:
– 80.000 kilo kunnu tykjast lítil nøgd, men umroknað til føroysk lambskrov svarar tað til umleið 5000 krov, ella millum 15 og 20% av teimum føroysku krovunum, sum eru á føroyska marknaðinum.
Tak niður