- Tíðindi, mentan og ítróttur
Breddin
Talið av mannligum lærarum er alsamt minkandi. Dreingirnir trívast verri - fólkaskúlin er fyri gentir og kvinnur.
Kjak millum landsstýrismannin í Mentamálum og formannin í Føroya Lærarafelag. Eisini tosað vit við lærarar, skúlastjórar og ein sálarfrøðing.
Jørgen Niclasen, landsstýrismaður í fíggjarmálum, hevur enn einaferð gjørt eitt uppskot, sum skal frítaka heimavirkisvørur fyri MVG og lækka skattin munandi á inntøkum hjá teimum, sum selja heimavirkisvørur.
Hetta skaðar eina spírandi professionalisering av sniðgeving og klædnaframleiðslu, siga fólk í vinnuni og arbeiðsgevarafelagið.
Kjak millum Jørgen Niclasen og stjóran í Marjun Heimá, Maibritt Jakobsen.
Og fimta mánað á rað eru mótmælisfólk í gøtunum í Hong Kong - vit tosa við korrespondent í Hong Kong, um hvat liggur aftanfyri ófriðin, og hvønn veg tað ber.
Luttakarar í sendingini eru
Philip Khokhar, uttanríkiskorrespondentur í Hong Kong,
Jacob Eli S. Olsen, formaður í Føroya Lærarafelag, Suni Poulsen, sálarfrøðingur, Aslaug Olsen, skúlastjóri, Sankta Frans Skúli, Dagfinn Olsen, lærari, Jacob Thomsen, lærari og Jenis av Rana, landsstýrismaður í Mentamálum
Majbritt Jakobsen, stjóri í Marjun heimá, Jørgen Niclasen, landsstýrismaður í fíggjarmálum og Poulina Jóanesardóttir, eigari av Vevstovuni hjá Poulinu
John Johannesen, Símun Christian Olsen og Marjun Dalsgaard gjørdu sendingina
Redaktørur: Marjun Dalsgaard