Lættur levnaður við Gjógv

25.10.2019 - 18:26
MentanTónleikur
Lættur levnaður við Gjógv
Paul Newton, fyrsti bassistur hjá Uriah Heep, kemur til Føroya at spæla við Deiggj
Bólkurin Deiggj. Frá vinstru: Pætur Mohr Dam, Dennis Lave, Sverri Heinesen, Fróði Vestergaard og Páll Lave. Rani Christiansen vantar á myndini
Mynd: © Leivur Thomsen  

Tak niður

Um vikuskiftið skipa bólkurin Deiggj og Gjáargarður fyri tiltaki við Gjógv. Talan er um konsert í bygdarhúsinum við tónleiki hjá Uriah Heep umframt mat á Gjáargarði. Tiltakið ber heitið "Easy Livin'", sum annars er heitið á einum sangi hjá Uriah Heep. Lagt verður upp til lættan levnað og hugna í fjarskotnu bygdini. Hetta er fjórðu ferð, tiltakið verður hildið, og tað serliga í ár er, at 50 ár eru liðin, síðani Uriah Heep varð stovnaður. Sum nakað forkunnugt hevur Deiggj fingið fyrsta bassistin í Uriah Heep, Paul Newton, at koma til Føroya at spæla við sær. Paul Newton spældi við á trimum teimum fyrstu útgávunum hjá Uriah Heep, til hann varð avloystur av Gary Thain, tá bólkurin skuldi í upptøkuhøli at taka upp tónleikin til útgávuna Demons and Wizards. Vikuskiftissendingin var á gátt hjá Fróða Vestergaard í Villumsgøtu í Havn, har limirnir í Deiggj vóru savnaðir, áðrenn teir løgdu leiðina til Gjáar.

 
 
Nýggjastu sendingar í ÚV
Leygardag 22. februar
Á Quiztinum - 6. innleiðandi umfar
105136
Leygardag 22. februar
Vanlukkan í Vesturísinum (7:8)
104375
Leygardag 22. februar
Jambalaja 220220
105154
Nýggjastu sendingar í SV
Leygardag 22. februar
Flogbóltur: Mjølnir - SÍ
105160
Leygardag 22. februar
Flogbóltur: SÍ - Mjølnir
105161
Hósdag 20. februar
Hyggjuráðið
105088