- Tíðindi, mentan og ítróttur
Bólkur 5B skal sleppa at fiska restina av árinum
11.11.2019 - 13:42
Innlendis›Vinna
Bólkur 5B skal sleppa at fiska restina av árinum
Bátarnir í bólki 5 B skulu sleppa at fiska, tað sum eftir er av árinum. Landsstýrismaðurin fer at broyta kunngerðina og flyta dagar frá 5A til 5B
Mynd: Savnsmynd
Kunngerðin um fiskiskapin hjá bátunum í bólki 5 skal broytast, soleiðis at dagar verða fluttir frá fult riknu bátunum í bólki 5 A til ikki fult riknu bátarnar í bólki B.
Tað sigur Jacob Vestergaard, landsstýrismaður í fiskivinnumálum, nú tað vísir seg, at dagar fara at vanta í hjá bátunum í bólki 5 B.
Vørn upplýsti í farnu viku, at dagarnir hjá bátunum í bólki 5 B fækkast í stórum, og hósdagin átti hesin bólkurin bara 205 dagar eftir.
Tá vísti uppgerðin, at fult riknu bátarnir í bólki 5 A áttu 1587 dagar eftir.
Og við at broyta kunngerðina, ber til at loysa málið, sigur Jacob Vestergaard, landsstýrismaður í fiskivinnumálum.
Tak niður
Nýggjastu sendingar í ÚV
Nýggjastu sendingar í SV