- Tíðindi, mentan og ítróttur
Nón
"Ver tú" er nýggj bók, týDF til føroyskt, ætlað børnum og ungum. Sum undirheitið sigur, er talan um eina handbók um kynsfatan, kærleika og familju.
Í fororðinum stendur, at endamálið við bókini er at gera tað lættari at greiða børnum frá um kynsamleika, kærleika og margfeldi í familjum, og at rætta eina hjálpandi hond í at uppala børn, ið góðtaka seg sjálv og onnur.
"Í Føroyum mangla vit orð at tosa um eitt nú ymsar kynsamleikar, og tí er eitt av endamálunum við at týða bókina til føroyskt, at geva føroyingum orð, at tosa um hesi viðurskiftini við", sigur Julia Rutt Petersen, ið hevur týtt bókina til føroyskt. Hon heldur eisini, at tørvur er á meira upplýsing um eitt nú kyn og kynsamleikar í Føroyum. Julia hevur lisið málfrøði og filmsvísindi á Fróðskaparsetrinum í Malmø og Lund, og undirvísur nú á miðnámsskúla í Malmø.
Hon ásannar, at bókin nemur við eitt umstrítt evni í Føroyum, og væntar, at bókin fer at hava við sær kjak.
Tað er Jonathan Branfmann, ið undirvísur í kynsamleika, seksualiteti og rasu á Ohio universtitetinum, ið hevur skrivað bókina. Og Julie Benbassat, ið lesur myndlýsing á Rhode Island School of design hevur myndprýtt.
Tað er forlagið "Ungu Føroyar" við Turið Sigurðardóttir, ið gevur bókina út, og bókin er til sølu í Gamla Bókahandli.