Síðan hann gjørdist kendur við bólkinum Danny and the Veetos, hevur Danny Baldursson eisini gjørt um seg sum sangskrivari. Í gjár vann hann singer/songwriter bólkin á German Songwriting Awards í Berlin við sanginum Holy, sum hann skrivaði í juni saman við Hans Marius Ziska, Esben Svane og Patrick Liegel. Sigurin hevur longu givið Danny fleiri tilboð um sáttmálar, men hesum vil hann bíða við, tí í mars skal hann til Los Angeles, har hann vónar at fáa samband við enn størri útgávufeløg.