– Talukennarin fer at lætta um lívið hjá fleiri

Nú fer skjótt at bera til hjá lesiveikum og blindum at skriva føroyskan tekst uttan stórvegis hóvasták. 

Líkt er til, at verkætlanin "Føroyski talukennarin" fær eina millión krónur til at menna eina skipan, sum ger talu til skrift.

Verkætlanin "Føroyski talukennari" er komin væl ávegis. Hon snýr seg um at menna ein ein sonevndan talukennara. Tað inniber, at teksturin, tú tosar inn, kemur út aftur á skrift. 

Næmingar, ið hava trupulleikar við at skriva og lesa, hava ofta stórar avbjóðingar í lívinum. Hetta fer talukennarin at bøta um. Talukennarin inniber, at teksturin, tú tosar inn, kemur út aftur á skrift. 

Á Glasi fegnast tey um tólið, tí hetta kemur at gera skúlagongdina nógv lættari hjá fleiri næmingum.