- Tíðindi, mentan og ítróttur
Góðan morgun Føroyar
Í dag letur Marius nýggjan sang og video úr hondum. Falli til jarðar er heitið, og hetta er aftur eitt samstarv ímillum Hans Marius Ziska og Hans Jacob Kollslíð.
Sangurin er trúgvur ímóti ljóðmyndini, sum er kend úr útgávunum Heim og Portur.
Tað eru menninir í bólkinum, sum eiga serstøku gera ljóðmyndina, sigur Hans Maris Ziska.
Vit eru allir nokkso samdir um, hvat er gott, leggur hann aftrat.
Um tekstin í sanginum stendur í tíðindaskrivi, at hann á ein hátt stendur í andsøgn við nýmótans framleiðsluna, og við hesum sanginum í huga, skilir tú væl tann ummælaran, sum fyri nøkrum árum síðani varð freistaður til at umtala Marius sum Mystiski Marius.
Ofta eru tað tilverunnar stóru spurningar, sum kanska ikki fylla so nógv í nútíðarinnar útvarpsvinarliga popptónleiki, ið Marius Ziska hættar sær at fara í holt við í sínum sangum, og nýggja staklagið ger júst tað.
Falli til jarðar tekur lurtaran við á einaumfatandi tekstliga ferð.
Í fyrsta versi verður elligamla myndin um at koma yvir um ánna nýtt, í øðrum versi verður staðfest, at einstaklingurin má sjálvur læra seg at síggja, og í niðurlagnum verður sungið um ein djúpan longsul eftir onkrum størri.
Millumstykkið er myrkt og vónin er um at hvørva, men so kemur niðurlagið aftur við glottum av lívi og eini vón um bjarging.
Í næstum verður farið á konsertferð í Danmark. Sí skránna her.