Átta verk komin inn

Í heyst skrivaði Tórshavnar Bigband út kapping at skriva verk fyri orkestrið. 3. januar í ár var freistin farin, og inn vóru komin átta nýskrivað verk.

Frumframførslur av verkunum verða á Vetrarjazzi 1. februar. Tað kvøldið verða vinnararnir kosnir. Vinnarin fær 30.000 krónur, nummar tvey fær 15.000 krónur og nummar trý fær 5000 krónur.

Eirikur Skála og Ólavur Olsen greiða frá um kappingina. Men teir fáa ikki enn sagt nakað um, hvør hevur latið inn verk.