Í nátt varð sprongt undir Kirkjubø í sambandi við, at ein pumpubrunnur skal gerast til Sandoyartunnilin.

Eftir eina spronging varnaðust nakrir arbeiðsmenn, at eitt stórt hol var at finna aftanfyri. Tað vísti seg at vera eitt stórt helli.

Teir, sum komu fyrst á staðið, sóu, at ein beinagrind var at hóma. Eisini glitraði ymiskt ímillum grótið, sum bendir á at forngripur liggur jarðaður undir Kirkjubø. 

Myndugleikarnir hava fingið boð, og teir fara nú at kanna nærri, hvat tað er, sum nú er komið undan kavi í Kirkjubø.

Vit hava fingið eina mynd, sum vísir, at myntir eru at hóma í hellinum.

Morgunsendingin prátaði við Kristian Stórhamar, anleggsleiðara.