- Tíðindi, mentan og ítróttur
Framsíggin sangur á nýggjari útgávu
Fríggjadagin 8. mai, Dýra biðidag, gav Son of Fortune, bólkurin hjá Benjamin Petersen, út plátuna Voodoo Pop.
Benjamin hevur verið í Nashville og arbeitt saman við eitt nú Grammy-virðislønta Vance Powell, sum áður hevur framleitt tónleik hjá eitt nú Jack White og Arctic Monkeys.
Úrslitið er ein pláta við tilsamans sjey løgum. Eitt av hesum løgum, Spiritual Illiterate, sum Benjamin skrivaði saman við Dánjali á Neystabø fyri nøkrum árum síðani, hevur víst seg at vera næstan profetiskt. Ein regla í sanginum er "An airborn disease can erase your entire kin. But the big wheel keeps on spinning".
Benjamin Petersen býr í løtuni í Danmark, hann gongur á musikkonservatoriunum í Aarhus og hevur júst latið inn bachelorspesialið.
Hoyr samrøðu við Benjamin, sum var send í Góðan morgun Føroyar, í morgun, við at trýsta á pílin undir myndini.
Tak niður