- Tíðindi, mentan og ítróttur
Góðan morgun Føroyar
Sjódypp er eitt heilárs sjóbaðifelag, sum heldur til í Suðuroynni.
Áhugafelagið hevur verið virkið síðani oktobur 2018 og hevur nú fleiri enn 40 limir.
Tey dyppa fyri tað mesta í Tjaldavík, sum er ímillum Hov og Ørðavík.
Fyri at betra um umstøðurnar, er Sjódypp nú farið á hópfígging.
Tina Grønbeck Tausen, forkvinna í Sjódypp, sigur, at ætlanin er at gera eina oasu, sum skal hóska væl til grøna náttúrliga umhvørvið í Tjaldavík.
Felagið hevur fingið loyvi frá Yvirfriðingarnevndini og Hovs kommunu at seta eina baðistovu upp, gera eina gongugøtu og eina brúgv á staðnum.
Vegna skiftandi veður, ynskja vit at hava møguleikan at skifta í baðiklæði innandura, áðrenn vit loypa á sjógv.
Vit ynskja eisini at gera eina gongugøtu, soleiðis at tað er trygt og lætt at ganga frá parkeringsøkinum til baðistaðið, serliga um veturin, sigur forkvinnan.
Umhvørvisligu hentleikarnir skulu gagna limunum í felagnum, men almenningurin skal eisini kunna fáa gleði av hesum.
Møguleiki skal eitt nú vera hjá fyritøkum og øðrum bólkum, sum fara gongutúrar ella útferðir, at bíleggja og njóta baðistaðið.
Á sama hátt skulu ferðafólk hava møguleikan at bíleggja sær atgongd til baðistaðið gjøgnum Visit Suðuroy.
Meira fæst at vita á síðuni hópfígging