Kappróðurin byrjar í dag

Ársins fyrsti stevnuróður verður í Klaksvík seinnapartin, har Norðoyastevna er.
79 manningar eru meldaðar til róðurin, og tað eru 15 manningar fleiri enn á Norðoyarstevnu í fjør.
Róðurin skuldi eftir ætlan vera í gjár, men mátti útsetast vegna veður.
Men líkindini fyri at rógva í Klakvsvík í dag eru góð, sigur Annika Dalsgarð, forkvinna í Róðrarsambandi Føroya.