Skulu fáa javnvág í raksturin hjá Heilsutrygd

28.06.2020 - 16:14
InnlendisPolitikkur
Skulu fáa javnvág í raksturin hjá Heilsutrygd
Heilsutrygd hevur fingið næstan fjúrtan milliónir krónur í eykajáttan, so verandi virksemi kann halda fram. Fíggjarstøðan er ikki haldbar.

Stórur útreiðsluvøkstur hevur verið seinastu árini.

Orsøkin til vøksturin í útreiðslunum er fólkavøkstur og fleiri kommunulæknaviðtalur. 

Frá januar í 2014 til januar í 2020 er fólkatalið vaksið við nærum 4.000 fólkum, harav 1.100 eru eldri enn 67 ár.

Hetta økir um talið á veitingum sum heild, og talið á kommunulæknaviðtalum er eisini økt.

Kaj Leo Holm Johannesen, landsstýrismaður í heilsumálum, er farin undir at kanna, hvussu javnvág kann fáast í raksturin hjá Heilsutrygd.

Ein møguleiki er at prístalsjavna - og harvið hækka - inngjaldið frá fólki.

Ein annar møguleiki er at lækka stuðulin, sum fólk fáa fyri heilivág og læknaviðgerð.

Gjaldið til heilsutrygd hevur seinastu 10 árini verið 175 krónur, umframt 0,6 prosent av skattskyldugu inntøkuni.

Landsstýrismaðurin sigur, at brúkaragjøld verða undir ongum umstøðum partur av skipanini.

Sum støðan er nú, er ætlanin at gera broytingar til fíggjarlógina fyri næsta ár, sum skal leggjast fyri Løgtingið fyri 1. oktober.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584