Nýggj byrjan hjá Páll Brim

Páll Brim trein á føroyska tónleikapallin í 2010, sum 18 ára gamal, í leiklutinum sum Jesus í føroysku útgávuni av Jesus Christ Superstar, ið varð framførd í Norðurlandahúsinum fyri meira enn 8.000 áhoyrarum.

Páll var eisini við frá byrjan hjá Danny & The Veetos í 2013 til 2018, har hann sang, spældi ukulele og skrivaði sín part av sangunum.

Í Leygardagssendingini greiddi Páll frá debut EP'ini Starting Over, eins og fleiri av sangunum vórðu spældir.