Taka aftur ímóti seyðaskinnum

Smápartafelagið Oikos fer aftur í ár at taka móti seyðaskinnum.

Sigurd Nordendal eigur saman við pápanum, Jógvani Nordendal, fyritøkuna Oikos.

Okkurt árið hevur fyritøkan tikið móti 35.000 seyðaskinnum. Í fjør varð ikki tikið ímóti skinnum, og tey flestu skinnini vórðu brend annaðhvørt á brennistøðini hjá IRF í Leirvík ella á brennistøðini á Hjalla.

Almennur stuðul og eftirspurningur eftir garvaðum skinnum ger, at í ár verður aftur tikið ímóti seyðaskinnum.