Jóan Símun skrivaði søgu

Fyrsti føroyingurin nakrantíð hevur í dag skorað í týsku Bundesliga kappingini í fótbólti. Tað var landsliðsleikarin, Jóan Símun Edmundsson, sum fáar minuttir eftir, at hann kom á vøllin skoraði fyri Arminia Bielefeld ímóti FC Køln.

Málið var samstundis sigursmálið, tí hetta var einasta málið í dystinum.

Jóan Símun Edmundsson varð skiftur inn, tá 68 minuttir vóru farnir, og fáar minuttir seinni skoraði hann altso sigursmálið.

Arminia Bielefeld er júst flutt upp í týsku Bundesliguna, ið er fremsta deildin í týskum fótbólti.