- Tíðindi, mentan og ítróttur
Góðan morgun Føroyar
Talan er um fíggjarligan harðskap, tá ein persónur tekur fíggjarliga frælsi frá øðrum.
Eitt nú um annar makin noktar hinum at forvinna sær pening, innlit í egna konto og fíggjarstøðuna hjá húskinum.
- Okkum dámar best, at báðir partar eru við, tá prátað verður um fíggjarviðurskifti hjá húskinum. Tað sigur Alice Frederiksberg, fíggjarráðgevi hjá Betri.
Hon ásannar, at peningastovnurin ógvuliga sjáldan er partur av málinum, meðan tað leikar á. Ofta frættir ráðgevin ikki um tað fyrr enn aftaná.
Vit heita á fólk at taka av ráðgevingini, ið verður bjóðað, tí tað hevur stóran týdning, at allir partar fáa kunning um síni rættindi.
Alice Frederiksberg leggur dent á, at tað eru fleiri góð ráð, ið eru verd at hava í huga.
Eitt nú er skilagott at hava egna uppsparing, soleiðis, at tú hevur okkurt at standa ímóti við, um óvæntaðar útreiðslur taka seg seg upp.
Vit eiga eisini at tryggja, at loyniorð veruliga eru loynilig, og hugsa okkum væl um, áðrenn fulltrú til okkara konto verður latin øðrum.