Innistandandi pengar eru útreiðsla hjá bankanum

Eigur tú fleiri enn 250.000 krónur á bók í Banknordik, so kanst tú vænta at rinda negativa rentu fyri at hava pengarnar innistandandi.

Banknordik broytir upphæddina, sum er undantikin negativari rentu, á nýggjárinum, tá hámarkið verður lækkað við einari helvt - úr hálvari millión til 250.000 krónur.

Harumframt ber til at hava tvær aðrar kontur við síðuni av við 50.000 krónum á, umframt at negativa rentan fyri innlánum lækkar úr minus 0,75 prosent til 0,6 prosent.

Tó eru børn og ung undir 29 ár undantikin negativum rentum.

Hoyr samrøðu við Turið Arge, rakstrarstjóra í Banknordik.