Góðan morgun Føroyar

Brúkar fosturtøku sum íblástur til list
26-11-2020
Man kann gera list burtur úr øllum. Eisini fosturtøku, sigur Helga Djurhuus

Ein installasjón, har tú sært søgurnar hjá føroyskum kvinnum, sum á ymsan hátt hava upplivað fosturtøku.

Tað er hugsanin hjá Helgu Djurhuus, sum er júst er farin undir eina heldur øðrvísi verkætlan. Ein verkætlan har fosturtøka verður brúkt sum íblástur til list.

Helga Djurhuus lesur grafiskt design á Kongalig Akademinum í Keypmannahavn. Í sambandi við endaligu uppgávuna á skúlanum ætlar Helga Djurhuus at gera eina listarliga verkætlan um fosturtøku, og tí leitar hon eftir upplivingum hjá kvinnum, sum hava upplivingar við fosturtøku.

Mann kann gera list burtur úr øllum. Fyri meg eru tað serliga evni, sum hava við stigmatisering og tabuisering at gera, ið eg haldi eru áhugaverd at arbeiða við, sigur Helga Djurhuus, sum eitt nú hevur gjørt eina ritgerð, har hon visualiseraði sálarsjúkuna bipolar. Eisini hevur hon nýliga gjørt eina plakat fyri Kvinnuhúsið.

Enn er ikki heilt greitt, hvat hendan verkætlanin endar við, men Helga Djurhuus hevur okkurt í tonkunum:

Eg hugsi at gera eina framsýning, til dømis okkurt slag av installasjón, har mann kann uppliva søgurnar frá føroyskum kvinnum, sigur Helga Djurhuus.

Í morgunsendingini greiddi hon frá verkætlanini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024