Samgongan ikki undirtøku millum fólk

28.11.2020 - 12:53

Innlendis›Politikkur

Samgongan hevur ikki undirtøku millum fólk í málinum um barsilspening til samkynd. Tað vísir ein spyr.fo kanning

Aktivera javascript

Í ljóðbrotinum hoyra tit Christian Andreassen, tingfólk fyri Fólkaflokkin, Beintu Løwe, tingfólk fyri Tjóðveldi, Bill Justinussen, tingfólk fyri Miðflokkin og Johan Dahl, tingfólk fyri Sambandsflokkin

Tað er stórur munur á tingsins vilja og viljanum hjá fólki í Føroyum um møguleikan hjá samkyndum at fáa somu rættindi til barsilspening sum onnur foreldur.

Meirilutin av samgongan er ímóti uppskotinum hjá átta andstøðutinglimum, sum javnstillar øll í mun til barsilsskipanina, men ein spurnarkanning, sum spyr.fo hevur gjørt fyri portal.fo, vísir, at stórur meiriluti er fyri at javnstilla samkynd við onnur foreldur í barsilsskipanini. Heili 66,2 prosent eru fyri at javnstilla, meðan 23,5 prosent eru ímóti.

Tað elvdi til hvassan orðadrátt millum tinglimir, tá uppskotið var fyri 17. nov. Serliga Johan Dahl, tinglimur fyri Sambandsflokkin, vakti ans, tá ið hann valdi at ganga egnar leiðir í stríð við samgonguleistin.

Uppskotið er farið í nevnd. Rættarnevndin væntast at leggja eitt álit fram 17. desember.