Fimti hvør svevur ov lítið

15-01-2021

Kanning hjá Fólkaheilsuráðnum staðfestir, at mong hava trupult við at fáa nóg mikið av svøvni

Svøvnur er ein grundleggjandi tørvur, ið er neyðugur fyri, at menniskju kunnu virka bæði kropsliga og sálarliga. Fáa vit ov lítið av svøvni, kann tað í byrjanini ávirka okkara vælveru, men manglar okkum svøvn í longri tíð, kann hetta hava neiligar fylgjur fyri heilsuna.

Kanning hjá Fólkaheilsuráðnum vísir, at 17 prosent av føroyskum monnum og kvinnum siga seg ongantíð ella næstan ongantíð sova nóg mikið, soleiðis at tey kenna seg úthvíld. Hetta er ein øking uppá næstan 10 prosent síðan 2015, tá líknandi kanning varð gjørd. Størsta orsøkin er skíggjanýtslan.

Hoyr Magna Mohr, formann í Fólkaheilsuráðnum greiða frá.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)