Er rottan í Sandoy og hvussu skulu vit forða fyri, at rotta kemur á tær oyggjar har hon ikki er nú? Tað er nakað sum Umhvørvisstovan roynir at fáa greiðu á.
Í gjár stemplaði Joe Biden inn til arbeiðis í Hvítu húsunum, og á arbeiðsborðinum í forsetaskrivstovuni lá ein stakkur av kunngerðum, klárar at undirskriva. Men hvat kann ein forseti gera av sínum eintingum og er tað bara galdandi til ein nýggjur forseti kemur?
Tað, og meira aftrat fáa vit greiðu á um eina løtu saman við Erik Løksagarð Absalonsen og Sjúrða Skaale.
Tað hevur ongantíð verið bíligari at læna pening, samstundis sum tað kostar at hava ov nógvan pening standandi á bók í bankunum.
Hetta hevur millum annað verið við til trýsta húsaprísirnar upp seinastu árini, men hvat er veruligi prísurin av einum húsum, hvussu hava vanlig húski ráð og hví er tað lutfalsliga dýrari at taka lán í Føroyum enn aðrastaðni?
Vit tosa við Turið Finnbogadóttir Arge frá Bank Nordik og Olav Guttesen frá Betri Banka seinni í sendingini.
 

Sendingina gjørdu Marjun Dalsgaard, Heini Gaard og Tróndur Olsen, sum eisini var redaktørur.

Rúni Eysturlíð var tøkningur.