- Tíðindi, mentan og ítróttur
Góðan morgun Føroyar
Fyrr í vikuni legði Bjørk Jónheðinsdóttir Tróndheim tvær myndir, sum hon hevur teknað á Photoshop, út á Twitter. Tær vóru tó settar saman og lagdar út sum ein mynd.
Fyrru gjørdi hon, tá hon var 16, og seinnu fyri stuttum, nú hon er 24 ár.
Tá hon fór í song hetta kvøldið, myndin var løgd út, hevði hon fingið nøkur 1000 likes.
Morgunin eftir var tað vaksið til 30.000.
Síðani tók tað veruliga dik á seg. Í dag hava fleiri enn ein millión dámað myndina á Twitter.
Eg skilji hetta ikki ordiliga, sigur Bjørk Jónheðinsdóttir Tróndheim.
Hon dugir ikki rættiliga at siga, hví júst hesar myndirnar hava fingið so óvanliga nógvar afturmeldingar.
Samansetta myndin vísir, hvussu listin er broytt seinastu átta árini.
Fyrra myndin, sum er av eini fjallarøð, varð gjørd, tá hon var 16. Seinna, ið er ein býarmynd, er teknað fyri stuttum.
Sjálv heldur Bjørk, at hon er ógvuliga nógv broytt sum listafólk hesi árini.
Myndin sæst á hesum leinki.