M.C. Restorff á skúlabonk

M.C. Restorff er sangari og sangskrivari burturav. Men hann hevur eisini verið innan tænastuvinnuna. Í ein mansaldur hevur M.C. verið stjóri á Hotel Hafnia. Hotellið varð selt fyri fleiri árum síðani, og nú, bróðursonurin er vorðin stjóri á nýggja Hotel Hilton Garden Inn, sæst M.C. javnan í tí umhvørvinum. Sum hann sjálvur tekur til, er hann "vinur av húsinum". Tað nýggja er, at M.C. Restorff er farin á skúlabonk í Vestmanna at lesa til ferðaleiðara. Í tí sambandi gjørdi Vikuskiftissendingin prát við fólkakæra tónleikaran. Spurdur um, hvørt aldurin er ein forðing fyri at læra, sigur M.C., at tað sjálvandi er munur á ungum og gomlum heilum, og hvussu skjótt man lærir. Men tað er eitt, M.C. hevur, sum tey ungu ikki hava - og tað er royndir. Fyrimunrin er, at hann kann fortelja ymsar søgur, sum eru tengdar at ymsu støðunum í Føroyum, umframt at hann kann brúka samfelagsvitan, hann hevur ognað sær gjøgnum eitt langt lív. M..C. leggur afturat - og leggur eisini dent á - at man skal velja tað góða framum tað ringa. Hoyr upplyftandi samrøðuna við syngjandi ferðaleiðaran her.