Skitin olja kostar feløgunum milliónir

Skitna oljulastin, sum oljufeløgini í Føroyum fingu í mars í fjør, kostar milliónir krónur í umvældum oljufýringum.

Men oljuveitarin hevur játtað at gjalda, og viðskiftafólkini hjá oljufeløgunum skulu einki gjalda.

Nógv fólk fingu oljuna, áðrenn greitt bleiv, hvat bagdi. Nógvar umvælingar eru gjørdar, onkur oljufýring er skift og nógvir oljutangar eru tømdir.

Veitarin hjá oljufeløgunum í Føroyum er Unioil Supply í Danmark.